ఉత్తరాయణం విశిష్టత

• పుష్యమాసంలోనే దక్షిణాయనం ముగిసి ఉత్తరాయణం ప్రారంభం అవుతుంది.
• ఇవి సూర్యగమనాలు ఆధారంగా ఏర్పడుతుంటాయి.
• సూర్యుడు ప్రతినెలలో ఒకరాశి నుండి మరొక రాశిలోకి ప్రవేశిస్తూవుంటాడు దీనికి సంక్రమణం అని పేరు.
• సంక్రమణం అంటే చక్కగా క్రమించడం, నడవడం అని అర్ధం.
• సూర్యుడు కర్కాటక సంక్రమణం నుండి మకర సంక్రమణం వరకు ఉండేకాలం దక్షిణాయనం.
• సూర్యుడు ధనుస్సు రాశి నుండి మకరరాశిలోకి ప్రవేశిస్తాడు. ఈ మకర సంక్రమణంలోనే ఉత్తరాయణం ప్రారంభవుతుంది.
• సూర్యుడు కర్కాటక రాశిలోకి ప్రవేశించే అంత వరకు ఉత్తరాయణం ఉంటుంది.
• పుణ్యకాలంగా చెప్పబడే ఉత్తరాయణం దేవతలకు పగలుకాగా దక్షిణాయనం రాత్రి, ఉత్తరాయణం దేవతలకు, దక్షిణాయనం పితృదేవతలకు ప్రీతికరం అని చెప్పబడుతుంది.
• దేవత ప్రతిష్ఠ, గృహప్రవేశం, ఉపనయనం , వివాహం లాంటి శుభకార్యాలకు ఉత్తరాయనమే మంచిది అంటారు.అందుకే శుభకార్యాలు అన్ని ఉత్తరాయణంలోనే చేస్తుంటారు.
• దక్షిణాయనం శుభకార్యాలకు  అంత మంచిది కాదంటారు. 
• దక్షిణాయనంలో ఉగ్రదేవత రూపాలను అంటే భైరవ, వరాహ , నరసింహ, మహిషాసురమర్దిని, దుర్గ, సప్తమాత్రుల వంటి దేవతామూర్తులను, గ్రామదేవతలను ప్రతిష్టించవచ్చు అన్ని వైఖానస సంహిత చెబుతోంది.
• ఉత్తరాయణంలో చనిపోయినవారు వెంటనే స్వర్గలోకాన్ని చేరుకుంటారు అని, దక్షిణాయనములో చనిపోయిన వారు ఉత్తరాయణం వచ్చేవరకు స్వర్గద్వారాల వద్ద వేచి వుంటారు అని చెబుతారు.